Hina-hunting ngayon ng Malabon Police ang isang lalaki matapos tarakan ang kanyang kainuman makaraan ang mainitang pagtatalo sa Malabon City, kahapon ng madaling araw.
Nakaratay sa Tondo Medical Center sanhi ng tinamong saksak sa kanang hita ang biktimang si John Patrick Tuburan, alyas JP, residente ng Dulong Herrera, Brgy. Ibaba habang patuloy naman na hinahanting ng Malabon Polce ang suspek na si Matthew Villaflor alyas Mat-Mat.
Sa report nina PSSg Ernie Baroy at PSSg Bengie Nalogoc kay Malabon police chief P/Col. Jay Baybayan, bandang 3:30 ng madaling araw nang maganap ang insidente sa SM PLaza, Jacinto, Boundary ng Brgy., Ibaba-Concepcion.
Lumabas sa inisyal na imbestigasyon na nag-iinuman ang biktima at ang suspek, kasama ang kanilang mga kaibigan sa nasabing lugar hanggang sa malasing si Villaflor at magsuka.
Isa sa kanilang mga kaibigan ang tumapik sa kanyang leeg subalit, sa hindi malaman na dahilan ay ang biktima ang kinompronta ng suspek na naging dahilan ng kanilang mainitang pagtatalo hanggang sa magsuntukan.
Gayunman, naglabas ang suspek ng patalim at mabilis na inundayan ng saksak ang biktima bago tumakas sa hindi matukoy na direksyon habang isinugod naman ng mga bystander sa pagamutan si Tuburan.
Nakuha sa pinangyarihan ng insidente ng mga rumespondeng tauhan ng Malabon Police Sub-Station 6 ang ginamit na armas
