VIRAL ngayon sa social media ang isang nagpakilalang ‘General’ na nanutok ng baril sa isang drayber na nakaparada umano ng ilegal sa harap o malapit sa bahay nito sa Mandaluyong City.
Makikita sa video na ikinasa muna ni “General” ang kaniyang baril bago ito tumawid at kinompronta ang nakaparadang sasakyan at nakipagtalo sa drayber nito.
I-click ito at panoorin ng video
Sa isang tagpo, nainis na ito dahil nakikipagkatuwiranan ang drayber at sinabing isa umano siyang ‘Heneral’ at nang dakong huli ay minura na nito ang drayber at tinutukan ng baril.
Nagbigay naman ng reaction sa social media si Gabriel Go ng MMDA at sinabi nito na kahit pa naka-ilegal parking ang driver ay hindi aniya tama na kasahan ito ng baril ang motorista.
Ayon pa kay Go, kung totoong ‘Heneral’ ang nasa video, dapat aniya na mas mataas ang tolerance at responsable ito sa pagkakaroon ng baril at hindi dapat gamitin para panakot sa iba.
Binigyang-diin pa ni Go na dapat aniya na maparusahan ang nagpakilalang ‘Heneral’ at iminungkahi na panahon na para muling rebyuhin ang batas kaugnay sa pagmamay-ari ng baril.
Naglabas naman ng opisyal na pahayag ang Mandaluyong PNP at sinabing iniimbestigahan na nila ang nasabing insidente at nire-rebyu ang CCTV, iba pang video at mga nakasaksi sa nasabing pangyayari.
