TILA bagang ayaw tantanan ng Sandiganbayan si dating senador Ramong “Bong” Revilla Jr. at naging suki na ito pagdating sa mga iskandalo.
Mula sa pagkakasangkot ni Revilla sa pork barrel scam, damay ulit ngayon ang dating mambabatas sa maituturing na pangalawang pinakamalaking iskandalo sa kurapsyon na umabot sa bilun-bilyong piso, ang maanomalyang flood control projects ng Department of Public Works and Highways (DPWH).
Kusang sumuko si Revilla sa PNP-CIDG noong Enero 20, 2026 at sinabing handa niyang harapin ang panibagong akusasyon sa kaniya sa kabila nang aniya’y hindi dumaan sa tamang proseso kung saan inilabas ng Sandiganbayan ang warrant of arrest laban sa kaniya.
Kasama niya ang kaniyang mga anak at asawa na mga pulitiko na rin at tinaggap naman siya ng kaniyang kababayan na Caviteño na dating gobernadora at ngayon ay kalihim na ng Department of the Interior and Local Government (DILG) na si Jonvic Remulla.
