Nahuli ng mga awtoridad ang isang lalaki na kabilang sa listahan ng most wanted persons sa Valenzuela City sa ikinasang One-Time-Big-Time Simultaneous Anti-Criminality Law Enforcement Operation (SACLEO) sa Valenzuela City, kamakalawa ng gabi.
Kinilala ang akusado na si alyas “Tigbak,”`na dinakip ng pinagsamang mga tauhan ng Warrant and Subpoena Section ng Valenzuela police at Northern NCR Maritime Police Station Navotas City sa Kabatuhan St., Barangay. Gen T. De Leon.
Batay sa report ni Valenzuela police chief Col. Salvador Destura Jr., kay Northern Police District (NPD) Director BGen. Rizalito Gapas, isinagawa ang naturang operasyon bandang alas-10:00 ng gabi sa nasabing barangay, alinsunod sa agenda na inilatag ng PNP Chief na “Aggressive and Honest Law Enforcement Operations.”
Hinainan ng warrant of arrest si alyas “Tigbak,” na inisyu ni Presiding Judge Arthur Balbuena Melicor ng Regional Trial Court Branch 284, Valenzuela City noong February 22, 2024, para sa kasong Homicide.
Sa ngayon ay nakakulong ang akusado sa Custodial Facility Unit ng Valenzuela police habang hinihintay ang commitment order.
