TINIYAK ng pamunuan ng Eastern Police District (EPD) ang kaayusan at seguridad hindi lamang ng mga mag-aaral kundi ganun din ng mga guro at mga magulang sa darating na pasukan sa Hunyo 16, 2025.
Sa inilabas na anunyso kahapon ni EPD District Director PBGen. Aden Lagradante, sinabi nito na may kabuuang 535 pulis ang ipapakalat nila sa mga lungsod ng Pasig, Marikina, Mandaluyong at San Juan.
Ayon kay Lagradante, pangunahing tututukan ng mga operatiba hindi lamang ang seguridad sa mga paaralan kundi gayundin ang pangangasiwa sa maayos na daloy ng trapiko.
Sinabi pa ng pamunuan na magtatayo rin sila ng on-site police assistance na ilalagay sa mga estratihikong lugar upang malayang lumapit ang mga estudyante at mga magulang.
Idinagdag pa ni Lagradante na nakipag-ugnayan na rin ang EPD sa mga lokal na pamahalaan, opisyal ng barangay at school administrators kapuwa sa mga pampubliko at pribadong paaralan.
“Ang aming misyon ay na tiyakin na ligtas at maayos na balik-eskuwela sa lahat ng mga estudyante at iba pang stakeholders,” ang pahayag ni PBGEn. Lagradante.
Hinihimok pa ng director ang buong komunidad na iulat kaagad sa kanilang mga ‘police assistance desk’ ang anumang kahina-hinalang kilos o gawain upang maisagawa nila ang 5-minutong responde.
Ang nasabing ‘5-minute response’ ay bagong direktiba at bahagi ng programa ng bagong talagang hepe ng Philippine National Police (PNP) na si PGen. Nicolas Torre III para sa mabilis at epektibong police assistance.
Related Posts:
34 TODA-Embo susuporta na sa Taguig
Alisin na ang 12% VAT sa electric bill – Escudero
Mariel, ginawang clinic ang office ni Robin
Mahusay na edukasyon, para sa maunlad na pamayanan
Alternative treatment sa cancer — Robin
Election period: Gun ban, nagsimula na
‘Inflation’ — ₱100 dagdag sweldo; NEDA, anti-poor?
Produktong gawa sa niyog at durian tampok sa IFEX Philippines 2024
About Author
