HINDI na nakapalag pa ng arestuhin ang isa sa mga most wanted sa lalawigan ng Rizal na si alyas “Allan,” 52, isang foreman at residente ng Brgy. San Juan, Cainta, Rizal sa kasong qualified object rape.
Ayon sa ulat na natanggap ni Police Colonel Felipe Maraggun, Provincial Director, dakong alas-2:10 ng hapon kahapon, Hunyo 5, 2025, nang matunton at arestuhin ng mga tauhan ng Cainta Municipal Police Station ang akusado sa Brgy. Sto. Domingo, Cainta.
Si Alyas Allan ay may kasong Qualified Object Rape at may nakalaang piyansa na Php200,000.00.
Base sa imbestigasyon, noong Disyembre 31, 2008, ay pinaniniwalaang isinagawa ng akusado ang karumal-dumal na krimen matapos pasakan ng bote ang maselang parte ng kanyang buntis na asawa, na naging sanhi ng matinding pagdurugo at impeksyon sa fetus.
Sa ngayon, nakakulong na si Alyas Allan sa Cainta Custodial Facility para sa kaukulang dokumentasyon at disposisyon, habang iimpormahan naman ang korte na naglabas ng warrant of arrest sa matagumpay na operasyon.
