INANUNSYO ng Philippine Charity Sweepstakes Office (PCSO) ang ‘LottoMatik’ na isang handy at portable Point of Sales (PoS) device na unang inilunsad noong Nobyembre 8, 2024 ngunit ngayon lang opisyal na ipinakilala.
Ka-partner ang I.T. solutions provider na DFNN, layon ng PCSO na mapabilis sa isang simple at hassle-free ang pagbili at pagbenta ng lotto tickets.
Ayon pa sa pahayag ng ahensya, malaki ang maitutulong ng bagong sistemang ito para sa mga maliliit na negosyante at ilang indibiduwal nagnanais na mag-benta ng lottery tickets.
Dahil sa makabagong teknoliya kailangang makisabay ang PCSO sa mga kahalintulad na sistema upang dumami pa ang mga micro entrepreneurs sa bansa, ayon pa sa pahayag ng ahensya.
Sinabi pa ng PCSO na dahil sa maliit lamang ang nasabing PoS device, angkop anila ito sa mga maliliit na negosyante na may maliit lang na espasyo sa kanilang tindahan o puwesto.
Isa pang dahilan anila ay upang magkaroon ng mga lotto outlets sa mga lugar na wala pang outlet nang sa gayon ay mas marami pang Pilipino ang makataya na nasa isipan ang makatulong sa kawang-gawa.
Maliban sa malaking tulong anila ito upang masugpo ang iligal na sugal, mapo-protektahan pa ng mga mananaya ang buwis na dapat na mapunta sa gobyerno at maibalik naman sa tao sa pamamagitan ng mga social welfare at serbisyong medikal.
“Dahil sa LottoMatik malaking hakbang ito para mas marami ng mga Pilipino ang makakasali sa loterya at magkaroon ng tsansang manalo at magkaroon ng kontribusyon sa kawang-gawa sa kanilang kapuwa Pilipino,” anng pahay ni PCSO General Manager Melquiades Robles.
