NAGKAKAISA ang sambayanang Pilipino sa pagsuporta kay Senador Francis “Chiz”
Escudero na ma-exempt o alisin ang 12 percent value-added tax (VAT) sa kuryente.
Nag-file si Escudero kamakailan ng Senate Bill No. 2301 na naglalayung gawing exempted
ang electric bill sa 12-percent VAT.
Sa ilalim na panukalang batas ni Escudero, ang mga sumusunod na transaksyon ay exempted
sa VAT: “Sale of electricity by generation, transmission and distribution companies and electric
cooperatives; and services of franchise grantees of electric utilities.”
Idiniin ni Escudero na kapag na-exempt sa VAT ang pagbibenta ng kuryente, malaki ang
ibababa ng electric bill. Ito’y magreresulta sa pagbaba ng gastos sa pagpapatakbo ng
industriya, negosyo, mapipigil ang inflation o labis na pagtaas ng presyo, magiging malaki ang
perang pwedeng gastusin ng bawat pamilya, at magiging masigla ang ekonomiya dahil sa
paglaki ng badyet para sa pagbili ng pangunahing pangangailangan at iba pang gastusin.
“Hindi man makatulong na pababain ang presyo ng mga bilihin, baka naman pwede huwag na
nating dagdagan ang pasanin muna ni Juan dela Cruz,” dagdag pa ng senador.
Idiniin ni Escudero na panahon na para ma-exempt sa VAT ang pagbebenta ng kuryente.
Iminungkahi niya na dapat pagbutihin ang koleksyon ng buwis, kaysa itaas ang buwis, sa
harap nang tumataas na presyo ng pnagunahing bilihin.
