MATAPOS ang botohan kung sino ang magiging senate president, majority at minority leader at iba pang posisyon, karaniwan nang isusunod kaagad ang pagbibigay ng committee chairmanship sa bawat senador.
At karaniwan ding nananalo ang isang senate president dahil sa patiuna nang pinag-uusapan na ibibigay niya ang committee chairmanship na hinahangad ng isang senador.
Sa unang regular sesyon ng senado, inilabas nito ang naging resulta sa kung sino ang magiging tsirman ng iba’t ibang mga komite, alinman sa mananatili ito sa dating may hawak mula noong nakaraang ika-19 na Kongreso o mapupunta ito sa iba.
Dahil nasa minorya sina Risa Hontiveros, Loren Legarda, Juan Miguel ‘Migz’ Zubiri at Panfilo ‘Ping’ Lacson, wala pang ibinibigay na committee chairmanships sa kanila.
Target ni Hontiveros na maibigay muli sa kaniya ang chairmanship ng Committee on Women and Children na pinamunuan din niya noong nakaraang ika-19 na Kongreso.
Matatandaan na noong 19th Congress, inimbestigahan ni Hontiveros, sa ilalim ng kaniyang komite si Pastor Apollo Quiboloy ng Kingdom of Jesus Christ (KOJC) sa mga alegasyon ng pang-aabuso sa kababaihan.
Dahil matalik na magkaibigan sina Quiboloy at dating pangulong Rodrigo Duterte, hindi maiwasan na madamay ang pamilyang Duterte sa nasabing mga isyu na ipinagtanggol ng mga kaalyado nito sa senado at kongreso.
Batay sa rekord, kasama sa nagpanatili kay Escudero bilang senate president ay ang tinaguriang Duterte bloc na kinabibilangan nina Senador Bong Go, Imee Marcos, Rodante Marcoleta, Ronald “Bato” dela Rosa, Robin Padilla, at ang magkapatid na sina Mark at Camille Villar.
Posible kaya na makaapekto ito sa pagbabalik ng nasabing komite kay Hontiveros?
Narito ang listahan ng committee chairmanship:
Senator Bam Aquino
- Basic Education
Senator Alan Peter Cayetano
- Accounts
- Justice and Human Rights
- Higher, Technical and Vocational Education
- Science and Technology
Senator Pia Cayetano
- Energy
- Ways and Means
- Sustainable Development Goals
Senator Robin Padilla
- Constitutional Amendments and Revision of Codes
- Cultural Communities and Muslim Affairs
- Public Information and Mass Media
Senator Imee Marcos
- Cooperatives
- Foreign Relations
- Labor, Employment & Human Resources Development
Senator Pia Cayetano
- Energy
- Sustainable Development Goals, Innovation and Futures Thinking
- Ways and Means
Senator Camille Villar
- Environment, Natural Resources and Climate Change
Senator Sherwin Gatchalian
- Finance
Senator Erwin Tulfo
- Games and Amusement
- Social Justice, Welfare and Rural Development
Senator Bong Go
- Health and Demography
- Sports
- Youth
Senator JV Ejercito
- Local Government
- Tourism
Senator Raffy Tulfo
- Migrant Workers
- Public Services
Senator Jinggoy Estrada
- National Defense and Security, Peace, Unification and Reconciliation
Senator Ronald dela Rosa
- Public Order and Dangerous Drugs
Senator Mark Villar
- Public Works
Senator Francis “Kiko” Pangilinan
- Agriculture, Food and Agrarian Reform
Senator Rodante Marcoleta
- Trade, Commerce and Entrepreneurship
- Accountability of Public Officers and Investigations (Blue Ribbon)
Senator Joel Villanueva
- Rules
Batay sa huling ulat, wala pang napipili na magiging committee chairman sa susunod na mga komite:
- Banks, Financial Institutions and Currencies
- Civil Service, Government Reorganization and Professional Regulation
- Electoral Reforms and People’s Participation
- Economic Affairs
- Culture and the Arts
- Ethics and Privileges
- Government Corporations and Public Enterprises
- Urban Planning, Housing and Resettlement
- Women, Children, Family Relations and Gender Equality
Samantala, ang kasama nilang si Senador Tito Sotto ang awtomatikong naging Minority Leader matapos itong matalo sa botohan sa pagka-senate president.
Noong nakaraang 19th Congress, si Senador Lito Lapid ang chairman ng Committee on Games and Amusement na napunta na ngayon sa bagitong senador na si Erwin Tulfo.
