Arestado ang isang misis matapos mahuling nagbebenta ng illegal na droga sa ikinasang buy-bust operation at makuhanan ng mahigit P200,000 halaga ng shabu, Biyernes ng madaling araw sa Barangay Mayamot, Antipolo City.
Ang naarestong suspek ay nakilalang si Alyas Myla, residente ng Brgy Mayamot, Antipolo City, ang naaresto ng mga operatiba ng Antipolo City Police Station bandang 12:32 Biyernes ng madaling araw sa kahabaan ng Kingville Subdivision Edward St., Brgy Mayamot, matapos ang halos isang linggong surveillanceÂ
Ayon sa report, nakipagtransaksyon ang ginang sa isang pulis na umaktong buyer para makabili ng shabu sa suspek na nagkakahalaga ng P1000.
Agad na hinuli ang suspek sa aktong palitan na ng droga at buy bust money.
Nakumpiska mula sa suspek ang nasa 30.5 gramo ng shabu na tinatayang nagkakahalaga ng P207,400.
Inamin naman ng ginang na ang pagbebenta ng droga ang kanyang nakasanayang hanap buhay.
Nahaharap sa reklamong paglabag sa Comprehensive Dangerous Drugs Act of 2002 o RA 9165 ang suspek at pansamantalang nakakulong sa Antipolo CPS Custodial Facility.
Related Posts:
About Author
