SA HARAP nang mga akusasyon na hindi niya nakumpleto ang training bilang Philippine Air
Force (PAF) reservist, opisyal na nakapagtapos si Michelle Dee nitong Setyembre 30.
Ang 2023 Miss Universe Philippines na si Dee ay tumanggap ng certificate of completion sa
graduation day na ginanap sa PAF Gymnasium, Villamor Airbase, Pasay City.
Kasama ni Dee na dumalo sa graduation rites ang kanyang inang si Melanie Marquez, dating
1979 Miss International.
Matapos ang graduation ni Michelle, isa na siyang ganap na PAF sergeant.
Nagtapos siya ng Basic Citizen Military Training magmula Hulyo – Setyembre, 2023.
Kabilang siya sa Manlawid Class 2023 Bravo.
Sa kanyang mensahe sa Instagram, “The best way to find yourself is to lose yourself in the
service of others… It’s always been a goal of mine to become a civilian reservist, which for me
is one of the highest forms of love for your country! If you’re waiting for a sign — this is Sgt.
Michelle Marquez Dee at your service!”
Super-saya rin si Melanie sa achievement ng kanyang anak na kakatawan sa Pilipinas sa 72nd
Miss Universe Pageant na idaraos sa El Salvador sa November 18, 2023.
“I am proud of my daughter Michelle Marquez Dee and so blessed to have a reserve soldier in
our family. May God bless her always… (She) is also a faithful servant of God,” ayon pa kay
Melanie.
