ISANG brand-new 2025 Toyota Tamaraw FX ang tinanggap ng Center for Child Health Improvement and Life Development (CHILD HAUS) mula sa Metro Manila Mayors’ Spouses Foundation Inc. (MMMSFI) sa pangunguna ni Ginang Keri Zamora, asawa ni Metro Manila Council President at San Juan City Mayor Francis Zamora sa isang turnover ceremony na ginanap noong Pebrero 26, 2025 sa Ermita, Manila.
Kasama ni Ginang Zamora sina Ginang Trina Biazon, asawa ni Muntinlupa City Mayor Ruffy Biazon; Ginang Aubrey Malapitan, kalihim at asawa ni Caloocan City Mayor Along Malapitan; at Ginang Tiffany Gatchalian, treasurer at asawa ni Valenzuela City Mayor Wes Gatchalian.
Tinanggap naman ni Ginang Janet Cu, isa sa mga director ng Child Haus, ang nasabing sasakyan kung saan sinabi nito na malaki ang maitutulong nito sa transportasyon ng mga pasyente mula sa kanilang pasilidad patungo sa ospital.
Tiniyak naman ni Mayor Zamora ang patuloy na suporta ng MMMSFI sa Child Haus at mga benepisyaryo nito at sa karagdagan pang mga suporta na kailangan nito.
Sinabi pa ni Zamora na bilang isang organisasyon, handa umano silang magbahagi ng anumang pangangailangan ng mga bata at isa na rito ang may kaugnayan sa medikal na pangangailangan gamit ang transportasyon.
