Kritikal ang kalagayan ng isang binata matapos pagsasaksakin ng tumakas na kabarangay makaraan ang mainitang pagtatalo sa Malabon City, kamakalawa ng gabi.
Nakaratay sa Valenzuela Medical Center sanhi ng tinamong mga saksak sa iba’t ibang parte ng katawan ang biktimang si John Jerwin Cicat, 21-anyos, residente ng 58 Arasity St., Brgy. Tinajeros.
Patuloy naman ang follow-up operation ng pulisya laban sa suspek na si alyas “Pagoy”, nasa 20 hanggang 25 ang edad at residente rin ng nasabing barangay.
Ayon kay Malabon police chief P/Col. Jay Baybayan, naganap ang insidente bandang 6:30 ng gabi nang magkaroon ng pagtatalo ang biktima at ang suspek sa Arasity St., Brgy., Tinajeros.
Ayon sa report, sa kainitan ng pagtatalo, sinapak ng suspek ang biktima sabay naglabas ng patalim na naging dahilan upang kumaripas ng tumakbo si Cicat para sa kanyang kaligtasan subalit hinabol siya ng suspek at nang maabutan ay sunod-sunod na inundayan ng mga saksak sa iba’t ibang parte ng katawan bago mabilis na tumakas sa hindi matukoy na direksyon.
Isang nakasaksing sa pangyayari na si Jaime Melon, 25-anyos, kitchen staff at residente rin sa nasabing lugar ay ang biktima na duguang nakaupokaya agad siyang humingi tulong para maisugod sa pagamutan ang biktima.
