Sa kulungan ang bagsak ng isang tambay matapos mahuli sa aktong nagbebenta ng granada sa Valenzuela City.
Kinilala ang suspek na si Marlon Dela Cruz, 29-anyos, at residente ng Doque St., Barangay Malanday.
Batay sa report, nakatanggap ng impormasyon ang Malinta Police Sub-Station 4 sa ilalim ng pangangasiwa ni P/Cpt. Doddie Aguirre mula sa isang concerned citizen hinggil sa isang lalaki na nagbebenta umano ng granada sa Makisig St., Area 1, Pinalagad, Barangay Malinta.
Kaagad namang rumesponde sa lugar ang mga tauhan ng SS4 sa pangunguna ni PSMS Roberto Santillan kung saan nakita nila ang suspek na may kausap na isang lalaki habang may hawak na granada dakong alas-10:30 ng umaga.
Nilapitan siya ni PSMS Santillan saka inaresto at nakumpiska sa kanya ang hawak na isang Grenade Hand Fragmentation MK2 HE bago humingi sila ng tulong sa Station Explosive and Canine Unit para ligtas at maayos na maturn-over ang nasabing pampasabog.
Ipinadala naman ni Valenzuela police chief Col. Salvador Destura Jr., sa Regional Explosive Canine Unit ng National Capital Region Police Office ang granada upang ito ay masuri.
Kinasuhan na ng paglabag sa RA 9516 o Illegal/Unlawful Possession of Explosive ang suspek.
Related Posts:
Rapist na trike driver laglag sa Antipolo Police
FB troll army sa Pasig isiniwalat ni Mayor Vico
Number coding hindi suspendido kahit may tigil-pasada
Hepe ng DOT, LTO, pinuri vs. Anti-colorum drive
Wanted na rapist, nalambat sa Malabon
Mahigit 1.6-M pasahero, naitala ng PITX
Kelot tinutukan ng baril ang mga puntod, huli sa Valenzuela
Mayor Vico mamumudmod ng P1,500 allowance sa lahat ng mag-aaral sa Pasig
About Author
