Arestado ang isang lalaki na wanted sa kasong pagpatay matapos ang isinagawang manhunt operation, kamakalawa ng hapon sa Caloocan City .
Kinilala ni Caloocan police chiief P/Col. Ruben Lacuesta ang akusado sa alyas “Boyd”, 41-anyos, residente ng Brgy. 176 at nakatala bilang No. 1 top most wanted person ng Northern Police District (NPD).
Sa ulat kay NPD Director P/BGen. Rizalito Gapas, nagsagawa ang mga tauhan ng IDMS – Warrant and Subpoena Section sa pangunguna ni P/Major Jeraldson Rivera ng manhunt operation kontra wanted persons na nagresulta sa pagkakaaresto sa suspek bandang 4:45 kamakalawa ng hapon.
Ang akusado ay inaresto sa bisa ng warrant of arrest na inisyu ng Caloocan City Regional Trial Court Branch 129, noong September 29, 2023 para sa kasong Murder.
Ang akusado ay kasalukuyang nakakulong sa Caloocan City habang inihahanda ang dokumento ng kaso.
Related Posts:
About Author
