Nagpakasal sa naganap na ‘Kasalan sa Piitan’ ang 20 preso matapos ang matagumpay na programa ng Mandaluyong City local government unit (LGU) at City Jail.
Naganap ang unang mass civil wedding na kung saan nasa 20 inmates ang nagpakasal sa loob ng city jail kabilang ang tatlong preso na may matagal nang ka-live in at isang inmate na nagpakasal sa isang 70-anyos na partner sa loob ng piitan
Pinangunahan ni Mayor Abalos, kasama sina Vice Mayor Menchie Abalos, city councilors, at Bureau of Jail Management and Penology – National Capital Region (BJMP-NCR) Director Jail Chief Superintendent Clint Russel Tangeres, CESE ang pagpapakasal sa 20 inmates.
Ayon kay Mayor Abalos, na ang naganap na ‘Kasalan sa Piitan’ ay isang ‘Re-integration, Reformation Program’ ng Mandaluyong City at city jail para sa mga preso.
Tinulungan din ni City Civil Registry head Atty. Gabriel Corton ang mga inmates na maging legal ang kanilang pagsasama at aayusin din ang birth certificates ng kanilang mga anak.
Kinikilala ng Mandaluyong City government ang karapatan ng mga persons deprived with liberty (PDL) na magpakasal sa kanilang mga mahal sa buhay kahit na nasa kulungan pa
Related Posts:
About Author
