Patay ang isang 29-anyos na lalaki matapos mabangga ng isang truck sa Taguig City kahapon ng madaling araw.
Kinilala ang biktima na si alyas Joel, isang kitchen staff, residente ng Taguig City.
Batay sa report, bandang 3:54 ng madaling araw nang maganap ang insidente sa tapat ng isang condominium sa Barangay Cembo, Taguig City habang minamaneho ng biktima ang kanyang Yamaha Sniper MX MC.
Lumagpas ito sa kanyang binabaybay na lane at sumalpok sa opposite lane kung saan naman tumatahak ang isang truck.
Tumilapon ang biktima at nagtamo ng matinding pinsala sa katawan at ulo na naging sanhi ng kanyang pagkamatay.
Arestado naman ang driver ng truck na si alyas Jeffrey, 39-anyos, na nakatakdang sampahan ng kasong Reckless Imprudence Resulting in Homicide.
Related Posts:
About Author
