Arestado ang dalawang kinikilalang tulak ng illegal na droga matapos makuhanan ng aabot sa P200,000 halaga ng shabu sa ikinasang buy bust operations ng mga tauhan ng Municipal Drug Enforcement Team ng Binangonan Municipal Police Station, kamakalawa ng gabi sa Binangonan, Rizal.
Bandang 9:15 Miyerkules ng gabi nang magsagawa ng buy bust operation ang MDET aty nahuli sina Alyas Onel, 31-anyos at Alyas Apong, 31-anyos, kapwa residente ng Binangonan, Rizal at nakalista bilang high value individual (HVI).
Base sa imbestigasyon ng pulisya, isang pulis na nagpanggap bilang poseur buyer ang nakipagtransaksyon sa isa sa mga suspek at binentahan ang pulis kaya agad na hinuli matapos ang palitan ng droga at buy bust money.
Nakumpiska mula sa mga suspek ang walong pakete ng shabu na tumitimbang ng humigit kumulang 31.26 gramo at nagkakahalaga ng P215,694.00, isang piraso ng P500 buy-bust money, limang piraso ng P100 bill, isang cellphone, isang motorsiklo at isang coin purse.
Ang dalawang suspek ay kasalukuyang nasa Binangonan Custodial Facilty at sinampahan ng kasong paglabag sa RA 9165 o Comprehensive Dangerous Drugs Act of 2002.
Related Posts:
About Author
