Arestado ang dalawang tulak ng illegal na droga matapos makuhanan ng 525 gramo ng shabu na nagkakahalaga ng P3.5 million sa ikinasang buy-bust operation sa Summitville, Brgy. Putatan, Muntinlupa City.
Nakilala ang mga naaresto na sina James M Regonay, 37-anyos at Dante L Cleofe, 48-anyos, kapwa residente ng Holy St., Summitville, Brgy. Putatan, Muntinlupa City.
Base sa report na nakalap mula sa tanggapan ni NCRPO Chief PBGen. Jose Melencio Nartatez, Jr., inaresto ang mga suspek bandang 7:20Â kamakalawa ng gabi matapos ang naganap na transaksyon sa pagbili ng shabu.
Nakumpiska mula sa mga suspek ang isang genuine P1,000 na may kasamang bundle ng boodle money na ginamit bilang buy-bust money; isang android phone; lighter, at dalawang coin purse na may ID.
Dinala ang mga nakumpiskang droga sa PNP Forensic Group, Camp Crame, Quezon City habang nakakulong ang mga suspek sa Muntinlupa City Police Station at sinampahan ng kasong paglabag sa R.A. 9165 o Comprehensive Dangerous Drugs Act of 2002.
Related Posts:
P340-K shabu nasabat sa buy bust sa QC
2 Teenager na holdaper arestado sa Malabon
2 Drug suspects, timbog sa Binangonan
3 wanted na karnaper, huli sa Rizal
Atty. Fortun kinasuhan 3 QCPD police sa maling paghawak ng road rage case
3 tulak ng droga arestado sa Rizal
Manyak na Indian national nalambat sa Rizal
3 empleyado ng LTO na nagpuslit ng mga plaka arestado; pagtugis sa ‘pinuno’ ikinasa
About Author
