NAKUMPISKA ng Pasig Police ang diumano’y shabu, na nagkakahalaga ng P340,000, at
nahuli ang isang high-value drug suspect sa isang buy-bust operation sa lungsod nitong
Biyernes ng umaga.
Nahuli ng mga operatiba ng Pasig City Police Station’s Drug Enforcement Unit ang isang 24-
taong drug suspect na kinilala lamang na alias Kevi, residente ng Taguig City, sa isang
operasyon na isinagawa sa Kalye Jimenez, Barangay Kalawaan, Pasig City.
Nakumpiska mula sa suspek ang 11 piraso ng hinihinalang shabu na nakalagay sa 11 piraso ng
plastic sachet. Bawat isa ay tumitimbang nang halos 50 gramo, na may street value na
P340,000. Nakuha rin sa suspek ang isang coin purse, P200 na buy-bust money at P8,000
boodle money.
Nakakulong ngayon ang suspek sa Pasig City Police Station custodial facility, at kakasuhan
nang paglabag sa Republic Act No. 9165 o ang Comprehensive Dangerous Drugs Act of 2002.
