Arestado ang isang 21-anyos na lalaki matapos ma-trap at hindi na makadaan nang harangan ng Grab driver ang kanyang daanan makaraang maghablot ng cellphone sa isang pasahero ng jeep sa Deparo, Caloocan City.
Kinilala ni Talipapa Police Station (PS 3) PLtCol. Morgan Aguilar, ang suspek na si Abdullah Barientos, residente ng Alonzo Drive, Brgy. 168, Deparo, Caloocan City na nahuli sa kasong snatching noong Miyerkules ng gabi.
Base sa salaysay ng biktima na si Nica Ella De Roxas, sakay siya ng pampasaherong jeep sa kahabaan ng Quirino Highway, corner Siklot St., Carreon Subdivision, Brgy. Talipapa, Quezon City, nang biglang hablutin ng suspek ang kanyang cellphone.
Mabilis namang nakahingi ng tulong ang biktima dahil sa dumaang Grab driver at nagpapatrulyang tauhan ng PS 3 na kung saan hinarangan ng Grab driver ang dadaanan sana ng suspek kaya madali na itong nahuli.
Na-recover ang Redmi 90 cellular phone ng biktima na nagkakahalaga ng P7,400.00.
Kasalukuyang nakakulong ang suspek at sinampahan ng kasong Theft sa Quezon City Prosecutor’s Office.
Related Posts:
Pulis na bumunot ng baril sa isang away trapiko sa Antipolo, dinisarmahan na
Bagitong pulis nagpakita agad ng kabayanihan
‘Sexy dance’ scandal, NBI chief may paglalagyan?
Lalaking wanted ng NPD, nasakote sa Caloocan City
2 kulong sa ₱68-K droga sa Valenzuela
Wanted na rapist, nalambat sa Malabon
Most wanted person ng Pasay huli sa Caloocan
₱700-K shabu nasabat sa 3 tulak sa Parañaque
About Author
