BAGSAK sa kulungan ang dalawang tricycle driver na kapwa tirador umano ng mga cable wire matapos maaresto ng mga rumespondeng pulis sa Malabon City, kahapon ng madaling araw.
Kinilala ni Malabon police chief P/Col. Jonathan Tangonan ang mga naarestong suspek na sina Chester Esmundo, 27-anyos, residente ng Sto Niño St., Brgy. Concepcion at Crisanto Magallanes, 37 ng Kasarinlan St., Brgy. Muzon.
Lumabas sa imbestigasyon ni PSSg Michael Oben na habang nagsasagawa ng checkpoint ang mga tauhan ng Malabon Police Sub-Station 6 sa kahabaan ng Gen. Luna St., Brgy. Concepcion nang isang concerned citizen ang nagreport sa kanila hinggil sa dalawang lalaki na nagpuputol ng cable wire malapit sa nasabing lugar.
Agad namang rumesponde sa nasabing lugar ang mga pulis kung saan naabutan ang dalawang lalaki na isinasakay sa kanilang getaway tricycle ang pinutol na cable wire bago umalis sa lugar, bandang 4:20 ng madaling araw.
Hinabol sila ng mga pulis hanggang sa maaresto at nakumpiska ang nasa 12 meters globe cable wire na nagkakahalaga ng P25,649, cutter fliers, PVC pipe cutter, ice pick at gamit nilang tricycle na may plate No. 547QXI.
Kasalukuyang nakakulong ang mga suspek habang inihahanda ang kaukulang kaso laban dito.
Related Posts:
About Author
