Natimbog sa ikinasang manhunt operation ng mga otoridad ang isang lalaki na wanted sa kasong sexual abuse.
Dakong 12:45 ng madaling araw nang maaresto si alyas “Lando,” ng mga tauhan ng Warrant and Subpoena Section (WSS) sa BMBA Compound, Barangay 118.
Ayon kay Caloocan police Chief Col. Ruben Lacuesta, ikinasa ng mga operatiba ng WSS ang pagtugis sa akusado matapos maglabas ng warrant of arrest, na inisyu ni Presiding Judge Barbara Aleli Hernandez Briones ng Family Court Branch 1, Caloocan City noong February 8, 2024, para sa kasong Sexual Abuse sa ilalim ng Sec. 5 (B) ng R.A. 7610.
Nakakulong na ngayon ang akusado sa Custodial Facility Unit ng Caloocan police habang hinihintay ang pagpapalabas ng commitment order mula sa korte.
