MATERYALES na pwedeng i-recycle, sa halip na plastic.
Ganito dapat ang gagamitin ng mga malalaking kumpanya sa kanilang mga produkto gaya ng
shampoo, sabon, mantika, kape, atbp. na ginagamitan ng plastic at aluminum foils.
Sa ilalim ng 2022 Extended Producer Responsibility Law, ang mga kumpanya – lalo na ang
gumagawa ng consumer products – na may puhunang P100 milyon pataas ay dapat gumamit ng
recyclable material sa kanilang mga produkto.
Hinihikayat din ng batas ang mga medium at small size na kumpanya na gawin ito para maibsan
ang milyun-milyong tonelada ng basura na itinatapon buwan-buwan, na ang ilan ay nakikita sa
ating karagatan.
Sakop ng batas (pero hindi limitado) sa mga sumusunod: Sachets, labels, laminates, at iba pang
flexible plastic, gaya ng shampoo at noodles.
Sa ngayon, wala pang opisyal na pahayag si Environment Secretary Maria Antonia Yulo-Loyzaga
kung may nagawa na silang survey o pag-aaral sa pagtupad sa batas na ito.
Related Posts:
About Author
