PINALAWIG pa ng Taiwan ng isang taon ang visa-free entry policy para sa Pilipinas magmula
Agosto 1, 2023 hanggang Hulyo 31, 2024.
Sa isang official statement, sinabi ng Taiwan Ministry of Foreign Affairs na nais nitong palakasin
ang turismo sa bansa sa lebel na katulad ng bago pa mag-pandemic.
“Nais naming imbitahan ang mga kaibigan namin sa Pilipinas na mag-enjoy sa pagtuklas sa
magagandang tanawin sa Taiwan, visa-free sa loob ng 14 na araw,” ayon kay Taipei Economic and
Cultural Office (TECO) in the Philippines Rep. Wallace Chow.
Inaasahang aabot sa mahigit 320,000 Pilipino ang bibisita sa Taiwan sa taong ito.
