PINANINIWALAANG pumulupot sa gulong ang kapote ng isang motorcycle rider na nagresulta sa pagka-aksidente nito sa Sitio Kapatagan, Brgy. San Jose, Antipolo City, Biyernes ng uamaga.
Ayon sa report, kinilala ang biktima na si Jenney “Junior” Herona Jr., residente ng Baras, Rizal at nagde-deliver ng fresh chicken nang mangyari ang aksidente.
Sa inisyal na embestigasyon, sakay ng Suzuki Raider 110cc motorcycle ang 22-anyos na biktima bandang alas-6:05, Biyernes ng umaga at patungo itong Marcos Highway.
Habang dumadaan sa kahabaan ng Kapatagan Road si alyas “Junior” sa Sitio Kapatagan, Brgy. San Jose sa Antipolo City, bigla na lamang umanong kinain ng gulong sa hulihang bahagi ng motorsiklo ang kapote ng biktima.
Nawalan umano ng kontrol ang driver at lumipat ito sa kabilang lane na siya namang pagdaan ng kasalubong na L300 van at sumalpok nang nawalan ito ng kontrol.
Isinugod naman agad sa Antipolo City Hospital System Annex 3–Cabading ang biktima ngunit idineklara itong dead on arrival ng mga doktor.
