NALAMBAT ng mga tauhan ng Station Intelligence Section (SIS) ng Valenzuela Police ang isang most wanted persons sa isinagawang manhunt operation sa Caloocan City, kamakalawa ng gabi.
Ayon kay Valenzuela police chief P/Col. Salvador Destura Jr., nakatanggap ng impormasyon ang SIS na naispatan sa Camarin, Caloocan City ang presensya ng akusadong si alyas “Roman” na kabilang sa mga most wanted person ng Valenzuela City.
Agad na bumuo ng team ang SIS sa pangunguna ni P/Cpt. Ronald Sanchez saka nagsagawa ng manhunt operation kontra wanted persons na nagresulta sa pagkakadakip sa akusado bandang 7:00 kamakalawa ng gabi sa Barangay 175, Camarin, Caloocan City.
Inaresto si Roman sa bisa ng warrant of arrest na inisyu ni Presiding Judge Arthur B. Melicor ng Regional Trial Court Branch 284, Valenzuela City noong June 23, 2023, para sa kasong murder.
Pansamantalang nakalulong ang akusado sa Custodial Facility Unit ng Valenzuela Police habang hinihintay ang pagpapalabas ng commitment order mula sa korte.
Related Posts:
About Author
