Laglag sa kamay ng batas ang isang 48-anyos matapos magbenta ng shabu sa isang pulis na umaktong buyer at makuhanan ng aabot sa P340,000 halaga ng shabu sa ikinasang buy bust operation, Huwebes ng madaling araw sa Brgy. Teachers Village East, Quezon City.
Kinilala ni PMaj.Wennie Ann A Cale, hepe ng District Drug Enforcement Unit (DDEU) ang suspek na si Christopher Roxas, 48-anyos, residente ng Brgy. Pasong Tamo, Quezon City.
Sa report ng mga tauhan ng DDEU, ikinasa ang buy bust operation bandang 3:30 Huwebes ng madaling araw at suot ang body-worn cameras mula sa PDEA-NCR para sa malinis na operasyon sa harap ng Magiting Park, Brgy. Teachers Village East, nahuli ang suspek matapos makipagtransaksyon sa isang pulis na umaktong buyer at bumili ng P20,000.00 halaga ng shabu.
Agad na inaresto ang suspek matapos ang palitan ng ebidensya.
Nakumpiska mula kay Roxas ang 50 gramo ng shabu na nagkakahalaga ng P340,000.00, isang brown pouch, cellular phone, at buy-bust money.
kinasuhan ng paglabag sa R.A. 9165, o Comprehensive Dangerous Drug Act of 2002 si Roxas sa Quezon City Prosecutor’s Office.
Related Posts:
About Author
