Laglag ang dalawang tulak ng illegal na droga matapos makuhanan ng mahigit P170,000 halaga ng shabu makaraang masakote sa ikinasang buy bust operation sa Navotas City, kahapon ng madaling araw.
Kinilala ni Navotas police chief P/Col. Mario Cortes ang mga naarestong suspek na sina alyas “Weweng, 43-alyas, residente ng Barangay San Roque, at alyas “Ingkot”, 31-anyos, ng Barangay 163 Zone 14, Tondo Manila.
Sa report mula kay Northern Police District (NPD) Director P/BGen. Rizalito Gapas, nagsagawa ang mga operatiba ng Station Drug Enforcement Unit (SDEU) ng buy bust operation sa Gold Rock St., Barangay San Roque matapos ang natanggap na impormasyon hinggil sa illegal na gawain ni Weweng.
Bandang 2:15 ng madaling araw ng isagawa ang buy bust at nang tanggapin ng suspek ang P500 markadong salapi mula sa isang pulis na nagpanggap na buyer kapalit ng isang plastic sachet ng shabu ay agad na inaresto, kasama ang kanyang kasabwat na si Ingkot
Nakumpiska sa mga suspek ang humigi’t kumulang 25.65 grams ng hinihinalang shabu na may standard drug price (SDP) value na P174,420.00, buy bust money coin purse.
Kinasuhan ang mga suspek ng paglabag sa RA 9165 o Comprehensive Dangerous Drugs Act of 2002
Related Posts:
2 high value tulak nasakote sa buy bust ng Pasig ops
3 empleyado ng LTO na nagpuslit ng mga plaka arestado; pagtugis sa ‘pinuno’ ikinasa
6 magkakasabwat sa droga, nalambat sa Cainta
Tricycle driver, isa pang manyakis arestado sa kasong rape, pag-post ng hubad na litrato
2 Teenager na holdaper arestado sa Malabon
BI, Pulisya, binatikos ni Tulfo kaugnay ng POGO raid
3 patay, 3 sugatan sa nag-amok na lolo sa Cainta
5 sugarol nahulihan ng baril, iligal na droga sa Rizal
About Author
