Naaresto ng mga tauhan ng Valenzuela Police Warrant and Subpoena Section (WSS) ang isang lalaki na kabilang sa top 2 most wanted person ng Samar habang nakakulong sa Valenzuela City Jail (VCJ) matapos na unang madakip sa illegal drug operation.
Kinilala ni Valenzuela police chief P/Col. Salvador Destura Jr, ang akusado na si Lemuelle Dacles, alyas “Noynoy”, 29-anyos, residente ng Sacred Heart Compound, Brgy., Canumay West at kabilang sa listahan ng top 1 most wanted person naman ng Calbayog City Police Station.
Ayon kay Col. Destura Jr, unang nahuli ng mga operatiba ng Station Drug Enforcement Unit (SDEU) ng Valenzuela police sa pangunguna ni P/Capt. Joel Madregalejo si Dacles noong June 27, 2023 sa buy-bust operation sa Santolan Service Road, Brgy. Gen. T. De Leon at nakuha sa kanya ang nasa 9.27 gramo ng hinihinalang shabu na nagkakahalaga ng P63,036.00.
Nang magsagawa naman ng beripikasyon ang mga tauhan ng WSS ay napag-alamang wanted si Dacles sa Samar dahil sa kasong statutory rape’.
Bandang 3:45 kamakalawa ng hapon nang isilbi ng mga tauhan ng WSS kay Dacles sa loob ng VCJ ang warrant of arrest na inilabas ng Calbayog City, Samar Regional Trial Court, Branch 31, na may petsang December 3, 2021, at walang inirekomendang piyansa.
Nakipag-ugnayan na ang Valenzuela Police station sa Calbayog City Police Station hinggil sa pagkakadakip kay Dacles na mananatiling nakapiit sa VCJ habang dinidinig ang kanyang kasong paglabag sa section 5 at 11 ng Republic Act 9165 o ang Comprehensive Dangerous Drugs Act of 2002.
Related Posts:
About Author
