VERY challenging talaga ang magkaroon ng special child para sa kahit na sinong magulang.
Pumayag si Bunny Paras sa anak na si Moira Greenway na iwan sila at manirahan sa Florida
USA. May sakit si Moira na Friedreich Ataxia.
Ayon sa National Institute of Neurological Disorders and Stroke, ang Friedreich ataxia ay
namamanang sakit na patuloy na sumisira sa nervous system, na labis na apektado ang
pagkilos ng isa. Ito’y dahil sa ang nerve fibers sa spinal cord ay numinipis at animo’y
nabubulok.
Nakatira ngayon ang mag-asawang Bunny at Tom Greenway sa California, pero bumili sila ng
bahay sa Florida para tirhan ni Moira at ni Nick Asbury, ang boyfriend nito, ayon sa ulat ng
Pep.ph.
Dahil sa unconditional love ni Bunny kay Moira, hindi siya tumutol na makipagrelasyon ang
anak. Dagdag pa niya, “Miss ko si Moira, pero I want her to be happy with Nick kasi one of a
kind din ang boyfriend niya… Talagang mahal siya kahit ang dami nilang pinagdadaanan na
health challenges.
Mahal din ni Bunny si Nick dahil nakita niya ang pagmamahal at pagsasakripisyo nito kay
Moira. Todo-bantay daw si Nick kahit three weeks na nasa ospital si Moira, pati na rin sa serye
ng clinical trials nito, pag-aalaga, at pagpapaligo rito.
Kahit naka-wheel chair si Moira, nakakakilos pa rin daw ito, pero hindi nakalalakad.
Buo ang tiwala ni Bunny na darating ang araw na may matutuklasang gamot para gumaling ang
anak at makapamuhay nang normal.
“I pray that Moira will continue to inspire other people. I pray for her safety always”, aniya pa.
Related Posts:
About Author
