HINDI mababanaag sa baby-face na mukha ni Sen. Bong Revilla na siya’y 57 years old na
at 50 years na sa showbiz industry.
Ipinagdiwang niya nitong Setyembre 25 ang dalawang milestones na ito sa kanyang buhay,
sa isang party na ginanap sa Okada Manila.
Matatandaang pitong taon pa lamang si Si Sen. Bong nang unang sumabak sa pelikula.
Ito’y ang Tiagong Akyat noong 1973 sa ilalim ng Imus Productions. Ang kanyang amang si
Ramon Sr. ang producer at bida.
Noong siya ay 14 years old pa lang, nagmarka ang role ni Bong bilang batang Bianong
Bulag sa pelikula na may katulad na pamagat. Ito’y pinagbidahan ni Ramon Sr.
Naging turning point sa acting career ni Bong ang papili sa kanya ni Fernando Poe Jr. para
imaging bida sa blockbuster film na Ang Panday.
Hindi nagtagal, pinasok din ni Bong ang TV, at umabot ng limang taon ang Idol Ko si Kap.
Ito’y sinundan ng Hokus Pokus, Kap’s Amazing Stories sa GMA-7, Agimat ng Agila at ang
Walang Matigas na Pulis sa Matinik na Misis.
“Ang Daddy ko mismo ang naging mentor ko hindi lang sa paggawa ng pelikula kung hindi
maging sa pag-arte, siya mismo ang humubog sa akin hanggang sa aking paglaki kaya
maging ang pagpalaot niya pulitika ay namana ko rin” pagtatapos ng senador.
Related Posts:
About Author
