Nalambat ng Pasay City Police Station Drug Enforcement Unit (DEU) ang apat na suspek sa illegal drugs operations kabilang ang isang target na tulak habang sumabit ang tatlong bebot sa isinagawang buy bust operation, kamakalawa sa Central Park Tower sa Pasay City.
Target ng DEU ang tulak na si Roldan Monte De Ramos, 43-anyos, ang nahuli sa kahabaan ng Central Park, Tower 1, Jorge Street, Barangay 132, Zone 13, Pasay City bandang 1:30 Lunes ng hapon.
Tiyempong nahuli naman ang tatlong bebot na sina Ayesha Bautista y Del Rosario, 25-anyos, Reynalyn Dela Cruz y Cruz, 35-anyos at Marjorie Juyo y Buragay, 31-anyos sa ginagawang pot session.
Agad na dinampot ang mga suspek at nakumpiska ang limang sachet ng shabu na may timbang na 22 gramo na nagkakahalaga ng ₱149,600.00 na nakalagay sa isang eyeglass case, isang digital weighing scale, disposable lighters aluminum foil at dalawang Vivo cellphones.
Kasaluluyang nakakulong ang apat na suspek sa Pasay City Police Custodial Facility habang ang mga nakumpiskang ebidensya ay dinala sa SPD Forensic Unit.
Related Posts:
Mahigit ₱2-M shabu, nasabat sa isang HVI sa Valenzuela City
Abalos, suportado ang pagsibak sa Mandaluyong police chief
Mga mag-aaral sa Junior High nangunguna sa datus kapuwa ng mga nagtangka at nagpakamatay
Bebot ninakawan ng motor ng kelot
Spaghetti Gang sa MalabonÂ
Sales boy buking sa pagsikwat ng van
Mag-live in partner huli sa ₱1-M shabu sa Rizal
Buwagin ang mga private armed groups bago ang halalan sa 2025—Abalos
About Author
