DEAD on arrival ang isang motorcycle rider matapos itong makabanggan ang isa pang kasalubong na rider sa kahabaan ng Manila East Road, Sitio Bulacan 1, Brgy. Bagumbayan, Pililla, Rizal dakong alas-7 ng umaga, Pebrero 27, 2025.
Kinilala ni PCol. Felipe Maraggun, provincial director ng Rizal PNP, ang mga biktimang sina Jessie Masarap, 43, at angkas nitong security guard din ng Pililla Wind Power Corporation na si Arvin Ocab, 31, maglive-in partner na sina Michael Babehis, 40, at Lynn Baldemoro, 37 ng Caloocan City.
Samantala, kinilala naman ang namatay na suspek na si alyas “Jorel,” 23, na nakatira sa Upper Belleza St., Brgy. Malaya, Pililla, Rizal.
Ayon sa ulat, magka-angkas sa Kawasaki Barako (BC175J) ang dalawang security guard patungong trabaho at kasunod naman nila si alyas “Jorel” na nakasakay sa Rusi motorcycle nito na may temporary plate number 040110.
Sinabi pa sa ulat na nag-signal light ang Kawasaki Barako pakaliwa ngunit nasagi ito ng kasunod na Rusi motorcycle hanggang sa lumipat ito ng linya at bumangga sa kasalubong nito na sina Babehis at Baldemoro sakay ng Yamaha Aerox (N664CQ) na ang direksyon ay patungong Laguna.
Walang tinamong galos sina Masarap at Ocab samantalang nagtamo naman ng minor injuries ang mag-live-in partner na sina Babehis at Baldemoro.
Isinugod naman si alyas “Jorel” sa Rizal Provincial Hospital System sa bayan ng Morong ngunit idineklara itong dead on arrival batay sa tinamo nitong serious injuries.
Related Posts:
Mahigit ₱350-K halaga ng shabu, nasabat sa Caloocan
Tambay arestado sa shabu at panghihipo sa dalagita
17 pamilya, naapektuhan ng sunog sa Binangonan, Rizal
2 kulong sa ₱68-K droga sa Valenzuela
489,849 child pornography sites, hinarang ng Globe
‘Exercise sama-sama’ ng UK Navy atbp.
16 na suspects sa frat death, kinasuhan na;ilang suspects, posibleng lasing
‘JOSE RIZAL’, 3 araw na ikinulong sa Iriga
About Author
