ARESTADO ang isang karpintero at nahaharap sa kasong frustrated murder makaraang maghabol ng taga nang magalit dahil hindi pinakanta sa videoke ng nagkakasiyahang kapitbahay sa Malabon City, kamakalawa ng gabi.
Base sa imbestigasyon nina P/SSg. Bengie Nalogoc at P/SSg. Michael Oben ng Malabon Police, bandang 9:30 kamakalawa ng gabi nang dumating ang suspek na si alyas “Reynaldo”, 45-anyos, sa umpukan ng inuman ng kanyang kapitbahay.
Bigla umanong humirit ng kanta ang suspek subalit hindi siya pinagbigyan ni alyas “Michael”, 42-anyos, dahil nakikigulo umano ito sa inuman nilang magkakamag-anak sa White Lily St. Araneta Village, Brgy. Potrero.
Umalis na galit ang suspek sa lugar at nang bumalik ay may bitbit na isang jungle bolo at agad pinuntiryang tagain sa ulo si ‘Michael’ na nagawa namang makailag sa pananakit ng suspek.
Naka hingi ng tulong ang biktima kina Dionisio Soriano at Estevan Arevalo, kapwa tanod ng Brgy. Potrero, na agad namang humingi ng tulong sa Malabon Police Sub-Station 1 na nagresulta sa pagkakadakip sa suspek at nakuha sa kanya ang ginamit na itak sa pananaga.
Kinasuhan ng frustrated murder ang suspek habang nakakulong ngayon sa Malabon detention cell habang.hinihintay ang.pagdinig sa kaso.
Related Posts:
About Author
