TILA walang kabilib-bilid si Heart Evangelista sa world-class Filipino designers, kahit na marami sa gowns ng ating Miss Universe winners ay likha nila.
Ito ang usap-usapan ngayon sa showbiz circles.
Bakit kailangan pang gumastos ni Heart ng libo-libong dolyar para magpagawa ng custom made wedding gown sa prestigious at sobrang mahal na designer, na si Elie Saab ng Milan and Paris? Tanong ng ilang observers.
Ayon kay Heart na may suot na kuwentas na tadtad ng diamonds, “Elie Saab has a special place in my heart—it was actually one of the first shows I ever attended in fashion week. I’ve always loved their dreamy and romantic creations, and when I saw the custom couture dress, I knew that was it.”
Matatandaang muling ikinasal sina Heart at Sen. Chiz noong Peb. 15 sa Club Royal Villa, Balesin Island sa Quezon Province. Ito’y bongga at talagang para sa mapera.
Ayon sa isang observer, wala namang masama kung saan magpatahi ng wedding gown si Heart, dahil una, mapera sila ng mister niya, at ikalawa, choice niya iyon. Pero dapat daw kinonsidera niya na isang pulitiko si Chiz, kaya dapat nagpakita sila ng mahusay na ehemplo sa bansa sa pamamagitan nang pagtangkilik sa sarili nating designers — na hindi maikakaila — kahit ilang sikat na Hollywood celebrities ay patuloy na tumatangkilik sa kanila.
Related Posts:
About Author
