Walang kawala ang isang High Value Individual (HVI) sa ikinasang buy-bust operation ng Valenzuela Police noong Huwebes.
Kinilala ang naarestong suspek na si alyas “Reymond Hudas”, 33-anyos, residente ng Block 4, Lot 5, Phase 2A, Northville 1, Barangay Bignay.
Sa report kay Northern Police District (NPD) Director BGen. Rizalito Gapas, ipinabatid ni Valenzuela Police Chief Col. Salvador Destura Jr. na nakatanggap ng impormasyon ang mga operatiba ng Station Drug Enforcement Unit (SDEU) hinggil sa suspek na nagbebenta umano ng droga sa kanilang lugar at kalapit na mga barangay.
Nitong Huwebes ng umaga nang magsagawa ng operasyon ang mga otoridad sa Block 4 Lot 5 Phase 2A, Northville 1, Barangay Bignay, kung saan, may suot na Body Worn Camera (BWC) ang mga operatibang kasama sa operasyon.
Nakuha mula sa suspek ang humigi’t kumulang 365 gramo ng shabu na nagkakahalaga ng ₱2,482,000, buy bust money, hard case, cellphone at digital na timbangan.
Kinasuhan ng paglabag sa Sections 5 at 11 sa ilalim ng Article II ng RA 9165 o Comrehensive Dangerous Drug Act of 2002 ang suspek, na isinampa ng pulisya sa Valenzuela City Prosecutors Office.
Related Posts:
About Author
