Arestado ang isang nagpakilalang Feng Shui expert na nangulimbat umano ng milyon-milyong halaga ng alahas at pera mula sa mga hinuhulaang biktima.
Kinilala ang suspek na si Ivan Borromeo Alyas Celine, residente ng Fernandina 88 Suite, 801 P. Tuazon St., Brgy Socorro, Quezon City.
Nabatid na modus na ng suspek na mangpanggap bilang Feng Shui expert at kung minsan ay nanghuhula na malayo sa katotohanan ang mga hula nito at mula pa noong 2015 ay marami nang mga naloloko at nagrereklamo laban sa suspek, kung saan umabot na umano sa mahigit ₱50 milyong piso ang natangay nito.
Kinasuhan ng 2 counts ng Estafa si Borromeo matapos maaresto ng mga tauhan ng DSOU-QCPD sa pamamagitan ng isinilbing warrant arrest.
Halos dalawang linggo din minanmanan ng mga otoridad ang suspek na nagpalipat-lipat ng condominium.
Samantala, mariin namang itinanggi ng suspek ang mga akusasyon laban sa kanya.
Related Posts:
About Author
