Inaresto ng mga otoridad ang isang truck driver makaraang magpanggap na isang pulis nang makitaan ng baril, kamakalawa ng gabi sa Pasay City.
Kinilala ng Pasay City police ang suspek sa alyas na Elmer, 38-anyos.
Batay sa ulat mula sa Southern Police District (SPD), dinakip ang suspek bandang 9:20 ng Linggo ng gabi sa Dominga St., Barangay 45, Pasay City matapos makatanggap ng tip ang mga tauhan ng Sub Station 1 kaugnay sa pagdadala ng baril ng suspek.
Sinasabing isang Barangay Tanod ang nagbigay ng impormasyon sa pulisya matapos makita na umaaligid ang suspek sa barangay na nagpapakila pang pulis na armado ng baril.
Isang Super .38 caliber revolver na kargado ng anim na bala ang nakumpiska mula sa suspek.
Kasalukuyang nasa Pasay City Police custodial facility ang suspek at kinasuhan ng paglabag sa RPC Art. 177 o usurpation of authority at paglabag sa RA 10591 o Comprehensive Firearms and Ammunitions Regulation Act.
Related Posts:
Manyak ng Guimaras, huli sa Caloocan
Buwagin ang mga private armed groups bago ang halalan sa 2025—Abalos
2 huli sa 'sugal pustang shabu' sa PasayÂ
Top 3 most wanted at rapist ng bata arestado sa Pasig
3 durugista nadakma sa Navotas buy-bust
Ex-cop sa viral road rage, sinibak na
Manyakis na ama sa Pasig arestado
Higit ₱7-M halaga ng marijuana, nasamsam sa mag-jowa sa Mandaluyong City
About Author
