“MASTERMIND” daw sa isang pawnshop robbery sa Cebu, nakapasa sa 2023 Bar
Examinations!
Pwede itong pang-Guinness World Records!
At malamang nagtatalon sa tuwa — kahit nasa loob pa ng kulungan si Jigger Geverola — nang nabalitaan niya nitong Martes, Disyembre 5, na nakapasa siya sa 2023 Bar Examinations.
Kasalukuyang nakabilanggo si Atty. Jigger sa Cebu City Jail matapos siyang kasuhan nang
pagma-mastermind sa pagnanakaw sa isang bahay-sanglaan sa lungsod na ito noong Nobyembre 25.
Inaresto ng pulisya si Jigger tatlong araw matapos ang robbery, nang kilalanin siya ng dalawang nahuling suspek na siya ang nag-utos sa kanila na dalhin ang getaway car sa isang buludunduking lugar sa Argao, Cebu.
Nang nalaman ng misis ni Jigger na isa siya sa 3,812 na nakapasa sa Bar, agad siyang binisita nito sa kulungan.
Sinabi ni Celsa, ina ni Jigger na wala itong kinalaman sa krimeng ibinibintang sa kanya, sana raw ay malinis ang pangalan ng kanyang anak.
Sinabi ni Jigger na kapag nakalaya na siya, tutulungan niya ang mga nakabilanggo sa Cebu City Jail nang libre o pro bono para makamit nila ang hustisya.
Related Posts:
About Author
