Arestado ang isang 40-anyos na taga-Maynila matapos nalambat sa ikinasang buy bust operation at makuhanan ng P81,600.00 halaga ng shabu, kahapon sa Barangay Marulas, Valenzuela City.
Kinilala ni PCol. Salvador Destura ang suspek sa alyas na “Jay-R”, residente ng Barangay 730 Malate, Manila.
Ikinasa ng mga tauhan ng station drug enforcement unit (SDEU) sa pangunguna ni PCpt. Joel Madrigalejo, katuwang ang ilang operatiba ng PDEA na may suot na Body Worn Camera (BWC) na nagsagawa ng buy-bust operation bandang 4:50 sa kahabaan ng Liwayway St., Barangay Marulas, Valenzuela City.
Matapos ang naganap na transaksyon mula sa suspek at sa pulis na umaktong buyer, agad na dinamba ang suspek makaraang ang palitan ng ebidensya.
Nakumpiska mula sa suspek ang umaabot sa P81,600.00 halaga ng shabu na nasa 12 gramo, siyam na piraso ng P1,000
boodle money, P1,000 buy bust money, isang coin purse, isang unit Honda Click with MV File no. 1336-00000650489 with keys and helmet.
Kasalukuyang nakakulong ang suspek sa Valenzuela custodial facility at sinampahan ng kasong paglabag sa R.A 9165 na isinampa sa Valenzuela City Prosecutors Office
Related Posts:
About Author
