USAP-USAPAN ngayon sa showbiz circles ang diumano’y tunay na dahilan kaya
nagkakatampuhan sina Sharon Cuneta-Pangilinan at ang anak nitong si KC, sa una niyang
mister na si Gabby Concepcion.
Ito raw ay ang datung at mansyon.
Matatandaang nang buhay pa ang lolo’t lola ni KC na sina Pablo at Elaine Cuneta, tanging kay
KC lamang daw nila ipinamana ang mansyon nito, iba pang ari-arian, at pera. Lahat nito ay
tinatayang aabutin daw ng isang bilyong piso. Zero nga ba ang mana ni Sharon dahil malakas
naman daw itong kumita sa showbiz?
Sa ilang post sa YouTube, tila sinumbatan diumano ni Sharon si KC dahil mahigit P30 milyon
daw ang ginastos niya sa pagpapaospital sa mga magulang noong maysakit pa ang mga ito.
Dapat daw na hatian ni KC ang half-sister na si Frankie para makapagsimula ito ng sariling
buhay. Pero tumanggi si KC.
Sinabi pa ng ilang marites na diumano, mamatay-matay daw sa inggit si Frankie kay KC dahil
bukod sa mas maganda ito, bilyonarya pa ang kanyang half-sister. Pero isang kasinungalingan
daw ito, ayon sa ilang taong malapit kay Sharon.
Siguro, kung ipinanganak na noon sina Frankie at Miel, tiyak na pamamanahan din ito ng
kanilang lolo’t lola. Hindi naman siguro magswa-swapang ang mag-asawang Pablo at Elaine sa
kanilang tunay ding apo, lalo na’t babae rin ang mga ito.
Dahil namayapa na ang lolo’t lola ni KC, walang sinumang makapagbabago sa nakasaad sa
testamento na pabor diumano kay KC.
Ayon sa fans, sana maayos na ang gusot nina Sharon-KC.
Mga ka-Brabo, kung kayo si KC, papartihan ba ninyo si Frankie?
