Laglag ang dalawang lalaki matapos mahuli sa ikinasang buy-bust operation ng Parañaque City Police Station Drug Enforcement Unit (DEU) at makuhanan ng aabot sa P136,000 halaga ng illegal na droga, kagabi sa Barangay Baclaran, Parañaque City.
Nakilala ang mga suspek na sina Raul Orin Soriano Jr., 43-anyos at Janice Alvarado Marcalas, 41-anyos.
Inaresto ang dalawa bandang 10:30 Miyerkules ng gabi sa kahabaan ng Unida St., Barangay Baclaran, matapos ang naganap na transaksyon sa pagitan ng mga suspek at police poseur buyer para sa pagbili ng shabu.
Nakumpiska mula sa mga suspek ang 20 gramo ng shabu na nagkakahalaga ng ₱136,000.00, ₱500 buy-bust money, at isang black coin purse.
Kasalukuyang nakakulong ang mga suspek at kinasuhan ng paglabag sa Section 5 at Section 11, Article II ng Republic Act 9165 o Comprehensive Dangerous Drugs Act of 2002 sa tanggapan ng City Prosecutor’s Office, Parañaque City.
Related Posts:
Tulak arestado sa P340-K shabu sa Caloocan buy bust ops
3 stall sa Puregold nilimas
Training ng AFP officers sa China, ihihinto na
Markadong High Value Individual na mag-live-in partner tiklo sa damo
₱1.4-M halaga ng shabu nasabat sa Maynila; 2 suspek, arestado
3 miyembro ng Niepes Robbery Group na wanted sa NCR, Region 3 arestado
Kotongerong MMDA enforcer, tiklo sa entrapment ops
3 tulak nasakote sa P1-M halaga ng damo
About Author
