Kulungan ang bagsak ng isang lalaki matapos maaktuhang pinaglalaruan at tinutukan ng baril ang mga puntod sa loob ng isang sementeryo sa Valenzuela City.
Kinilala ni Valenzuela police chief P/Col. Salvadro Destura Jr ang naarestong suspek na si Joselito Almejas, 34-anyos, ng Padrigal extension, Barangay Karuhatan.
Ayon sa report, nakatanggap ng tawag sa telephono mula sa isang concerned citizen ang tauhan ng Valenzuela Police Sub-Station 9 hinggil sa isang lalaki na naglalaro ng baril sa Karuhatan Public Cemetery sa Padrigal Extension, Brgy. Karuhatan.
Agad namang rumesponde sa nasabing lugar ang mga tauhan ng SS9 kung saan naaktuhan nila ang suspek na pinaglalaruan at itinututok sa mga puntod ang hawak niyang baril kaya agad itong kinumpiska ng mga pulis.
Nang hanapan ng kaukulang mga dokumento hinggil sa legalidad ng nakuha sa kanya na isang cal. 38 revolver na kargado ng apat na bala ay walang maipakita ang suspek kaya pinosasan siya ng mga pulis.
Kasalukuyang nakakulong ang suspek sa Valenzuela detention cell
