Nakumpiska ng mga miyembro ng Northern Police District (NPD) ang mahigit ₱2.5 milyon halaga ng shabu mula sa tatlong suspek sa dalawang buy-bust operations sa Caloocan City.
Kinilala ng Caloocan City Police Station ang unang naarestong suspek na si alyas “Jun-Jun”, 43-anyos, residente ng 6th Avenue, 3rd St., Grace Park.
Isang entrapment operation ang ikinasa ng mga otoridad laban sa suspek bandang alas-9:08 ng gabi noong Pebrero 5.
Nakuha mula kay alyas “Jun-Jun”, ang nasa 310 gramo ng shabu na may standard drug price value na ₱2,108,000, buy bust money, itim na bag, plastic envelope at isang motorsiklo.
Sa isa pang operasyon na isinagawa ng mga otoridad noong Pebrero 6 sa 1st Avenue, Barangay 120, naaresto naman ang mga suspek na sina alyas “Wakwak,” 59-anyos, at alyas “Jeff,” 28-anyos, kapwa residente ng lungsod.
Narekober sa mga ito ang 72.4 gramo ng shabu na nagkakahalaga ng ₱492,320, at ang marked money.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang mga suspek.
Related Posts:
Gov't. employees libre ang sakay sa MRT-3
Ayuda ng DSWD para sa mga taong kalsada, kasado na
MMDA motorcycle driving academy, bukas na
No. 5 top most wanted person ng Malabon, nasakote
Wanted sa carnapping, arestado
Seguridad sa panahon ng Kuwaresma sa MM tiniyak ng PNP
Orbrero huli sa baril sa Taguig
Transgender timbog sa ‘sextortion’ sa QC
About Author
