Sibak sa pwesto si PNPA-director BGen. Andrei Dizon at walo pang opisyal dahil sa 20 kadete na binuhusan ng pinaghalong muriatic acid at drain cleaner sa likod ng mga biktima.
Batay sa kautusan noong Abril 15, itinalaga ni PNP Chief Gen. Jose Melencio Nartatez Jr., si BGen. Redrico Maranan, regional director ng Police Regional Office-7 (PRO-7) sa Central Visayas, bilang acting director ng PNPA, kapalit ni BGen. Andrei Dizon, na inilipat sa Personnel Holding and Accounting Unit (PHAU).
Ito’y kasunod ng hazing incident noong Abril 3 kung saan tatlong second-year cadets ang naglagay ng pinaghalong muriatic acid at drain cleaner sa likod ng mahigit 20 kadete.
Ang pumalit bilang direktor ng PRO-7 ay si BGen. Arnold Evangelista Abad, habang si BGen. Arnold Casingal Santiago ay hinirang bilang acting director ng Manila Police District, kapalit ni Abad.
Ayon kay PNP-PIO Chief, P/BGen. Randulf Tuaño, nag-ugat ang reshuffle sa insidente sa PNPA.
Ayon sa isinagawang press briefing ngayong araw anya ang itinakdang turnover sa PRO-7 at bukas sa PNPA.
Bukod kay Dizon, walong iba pang opisyal ng PNPA — isang brigadier general, dalawang koronel, dalawang major, at tatlong sarhento — ang na-relieve sa kanilang mga puwesto at na-reassign sa PHAU.
Dagdag ni Tuaño, ang pagsibak sa 9 na opisyal kabilang ang 3 sarhento ay batay sa direktiba ng PNP Chief na sibakin ang mga ito sa pwesto. (Edwin Moreno)
