NANUMPA na ngayong umaga si Police Major General Benjamin Acorda, Jr. bilang bagong hepe ng Philippine National Police (PNP) sa harap nina Pangulong Ferdinand Marcos, Jr. at Benhur Abalos ng Department of the Interior and Local Government (DILG) sa isang turn-over ceremony sa Kampo Crame.
Pinalitan ni Acorda si outgoing PNP Chief General Rodolfo Azurin, Jr. na umabot na sa mandatory age of retirement.
Si Acorda, 55 ay miyembro ng “Sambisig” Class of 1991 ng Philippine Military Academy.
Bago nito, nagsilbi si Acorda bilang hepe ng Directorate for Intelligence noong 2022 at naging hepe rin siya ng Palawan Police Provincial Office noong 2014 hanggang 2016.
Nakatakdang magretiro si Acorda sa disyembre 3 ngayong taon.
