MAAARING maging kanlungan ni Senator Ronald “Bato” dela Rosa ang Senado sakaling lumabas na ang warrant of arrest mula sa International Criminal Court (ICC).
Ito ang tinuran ni Senate President Vicente “Tito” Sotto III kung saan nito na hindi maaaring arestuhin ang isang senador kapag nasa loob ng Senado.
Sinabi ito ni Sotto matapos magbigay ng pahayag si Ombudsman Jesus Crispin Remulla na may inisyu na umano na warrant of arrest ang ICC at maaring matanggap na ng Pilipinas anumang oras.
“Wala akong alam sa sinasabing warrant of arrest. Ngunit tulad ng nasabi ko na noon pa man na batay sa aking konsultasyon at pakikipag-usap sa mga kasamahan ko, hindi kami papayag na aarestuhin ang isa sa aming mga miyembro upang maingatan ang dignidad ng Senado,” ang sabi ni Sotto.
Ang nasabing arrest warrant ay may kaugnayan sa koneksyon ni Dela Rosa sa war on drugs sa panahon ng dating Pangulong Rodrigo Duterte kung saan pangunahing ipinatupad ito ng senador.
“Bilang pagpapakita ng kortesiya, hindi kamin papaya. Pero kapag inaresto siya sa labas ng Senado, hindi naming iyon problema,” dagdag pa ng Senate President.
Nagkibit-balikat naman ang Department of Foreign Affairs at sinabing wala pa silang natatanggap na impormasyon mula sa Embahada nito sa The Hague, Netherlands.
“Alam naman natin na sa ilalim ng Rome Statute, ang mga warrant of arrests, kung mayroon man, ay idinadaan nang direkta sa mga law enforcement agencies ng isang bansa kung saan mamamayan nito ang isang akusado,” ang pahayag ng DFA.
