HINDI na nakapalag pa ang isang binatilyo matapos itong madakip ng mga operatiba ng Substation 7 ng Pasig City Police Station sa bisa ng warrant of arrest sa kasong panggagahasa dakong alas-5 ng hapon sa Caruncho Avenue, Brgy. San Nicolas, Pasig City noong Marso 3, 2025.
Sa ulat na nakarating kay PCol. Villamor Tuliao, district director ng Eastern Police District (EPD) mula kay PCol. Hendrix Mangaldan, chief of police ng Pasig City, kinilala ang suspek na si alyas “Renz,” 28, may-asawa, isang mekaniko at residente ng Brgy. Pinagbuhatan sa nasabing lungsod.
Batay sa imbestigasyon, nangyari ang panggagahasa sa isang 16-anim na dalagita na pinsan mismo ng suspek noong Setyembre 7 at 30 taong 2018 at noong Agosto 25, 2019 sa Brgy. Pinagbuhatan.
Idinagdag pa sa ulat na hindi lang ginahasa kundi nakaranas din ng sexual violence ang biktima mula sa pinsan nitong si alyas “Renz” na itinuturing na no. 3 na most wanted person sa Pasig City at no. 2 naman sa listahan ng most wanted person g EPD.
Matapos ang apat na taon na pananahimik, dito na naglakas-loob ang biktima na sabihin sa mga kapamilya ang ginawang pang-aabuso sa kaniya ng kaniya mismong pinsan kung kaya agad itong isinuplong sa mga awtoridad na nagsagawa ng pinaigting na imbestigasyon at pagmamanman
Sa bisa ng warrant of arrest na inisyu ni Presiding Judge Elma Mendoza Rafallo-Lingan ng Regional Trial Court (RTC) Branch 159, ng Pasig City, inaresto ang suspek sa paglabag sa kasong paggagahasa sa ilalim ng Article 266-A ng Revised Penal Code may kaugnayan sa Section 5 (A) ng R.A. 8369 at walang piyansang inrekomenda.
Maliban dito, kinasuhan din si alyas “Renz” ng 8 counts para sa sexual assault sa ilalim ng Article 266-A ng Revised Penal Code may kaugnayan sa Section 5 (A) ng R.A. 8369 na may piyansang P200,000.
Ang suspek ay pansamantalang nakakulong sa custodial facility ng Pasig City Police Station habang hinihintay ang commitment order mula sa korteng may hawak ng kaso. (NEP CASTILLO)
Related Posts:
Resort owner dismayado sa DENR
3 bigtime tulak huli sa Rizal
Isyu ng pagbaha sa ilang lugar sa Parañaque, dapat harapin ng mga Villar
PCSO tumulong sa mga nabiktima ng pagguho ng simbahan sa Bulacan
Lalaki na wanted sa pagpatay, arestado sa Caloocan
Sari-sari stores, karinderya sa Marikina City, exempted sa business permit, tax
Karpintero naghabol ng taga sa Malabon
Obrero huli sa P102-K shabu
About Author
