SINIBAK na sa puwesto ang isang security guard na naging viral sa social media, ayon sa pamunuan ng SM Megamall sa inilabas nitong pahayag, Enero 16, 2025.
“Ikinalulungkot namin at nakikisimpatiya kami sa batang babae na nakaranas ng hindi maganda sa labas ng aming mall,” ang pahayag ng pamunuan.
Makikita sa video na maliban sa inagaw ang panindang Sampaguita ng batang babae na naka-uniporme pa, tinadyakan din nito ang estudyante bagama’t hindi tinamaan.
“Itinawag pansin na namin sa security agency na kaagad na magsagawa ng masusing imbestigasyon. Ang security guard [sa video] ay sinibak na at hindi na siya maaaring magtrabaho sa alinmang malls [na pagmamay-ari namin],” dagdaga pa ng opisyal na pahayag ng SM.
Bagaman ang nasabing TikTok video ay unang nai-post noon pang Disyembre 2024, umani pa rin ito ng milyon-milyong views at naging paksa sa mga diskusyon sa social media.
Sa nasabing video, makikita na pilit na pinapaalis ng guwardiya ang estudyante habang hinahablot nito ang Sampaguitang tinitinda ng batang babae hanggang sa tuluyan na itong masira.
Kapansin-pansin din na inihampas na lamang ng bata ang hawak nitong sirang Sampaguita bilang ganti sa ginawa ng guwardiya.
“As SM Supermalls always promotes inclusivity for all, we strongly condemn this act committed against her,” pagkondena pa ng SM Supermalls.
Related Posts:
2 Bigtime tulak, 26 iba pa nalambat ng NCRPO sa loob ng 24 ORAS
32,000 Kotse, motorsiklo nairehistro na sa LTO-NCR
6 magkakasabwat sa droga, nalambat sa Cainta
Most Wanted Person sa Valenzuela, arestado
3 bigtime tulak huli sa Rizal
Bahay ng isang 67-anyos na retiradong propesora, niransak at ninakawan ng 8 miyembro ng Pulis Imus?
P183-K shabu nasabat sa lolong tulak
Ayuda ng DSWD para sa mga taong kalsada, kasado na
About Author
